Świynto jabka

Dzisio roztomili Ludkowie chciołech połosprowiać o jabkach. A wszysko skiż tego, że we Katowicach we sobota boł wielki fajer- Świynto jabka, na kierym było wszysko o jabkach i z jabkami. Boła to już II edycjo, po ońskirocznej we Warszawie. A impreza ta stworzyli skuli tego, że Rusy oński rok wprowadziyły embargo na nasze jabka i trza było promować to co nasze.

Jo tyż tam boł i powiym wom, że impreza sie fest udała, choć pogoda była nie bardzo. Ale za to ludzie dopisali. A jo czynstowoł roztomańtymi dobrociami z jabka, bo przeca tyn owoc nadowo się do wszyskigo. Były harynki z jabkiym, syroki z jabkiym, jabłecznik, ajerkuchy z apfelmusym, no i przepyszno wątróbka z jabkiym.

Tak se myśla, że ludzie zapomnieli już o tym, że na zima trza narobić apfelmusu, ususzyć pieczek, zaprawić krałzy no i schować w sianie jabka na jesiynne i zimowe wieczory.

Przeca kożdy to kiedyś robioł, a przi kożdej chałupie było pełno stromow. A propos stromkow, to spytołech sie takigo profesora, czymu teraz nie idzie kupić starych odmian jabłonek, choćby szarej czy złotej renety. A łon mi padoł, że dzisio odmiany muszom być wydajne. Yno nie wiym, czy wiycie, że te odmiany majom do 10 razy myni witamin niż te stare. I zaś kasa je nojważniejszo, a co z naszym zdrowiym?

Jo myśla, że nie zostało nom nic innego jak yno ściągnyć se te stare odmiany, posadzić w sadzie i wrócić do dobrych tradycji naszych starzikow.

Strom- drzewo

Harynki- śledzie

Apfelmus- mus jabłkowy