Majówkowe plany

Wiosna w pełni, słoneczko po puklu grzeje, a we kalyndorzu pomału moj.

Jak to słowa pieśniczki godajom: „nojpiykniejszy miesiąc to moj”. I to je rychtyk prowda.

Wszysko je zielone, kwitnom kwiotki, ptoszki śpiywajom. I jak tu nie przoć tymu czasowi?

Majowka. Ale co w ta majowka robić? Kożdy nojlepszy by kaś wybznoł. Jedni w gory, inksi kaś zagranica, a co majom zrobić ci, co kasy bardzo nie majom.

Mój stażik dycki godoł: „kto ni mo miedzi, tyn w doma siedzi”. Ale jo myśla, że w doma tyż idzie dobrze se pomajowkować.

Bo przeca fojera se idzie zrobić. Yno nojprzod cza iś do lasa na patyki, na kierych bydzie pieczony woszt. I już momy zajynci. A we lesie wszysko wonio ło tej porze, beztoż  i płuca sie poczyszczom.

Ale tak se myśla, że terozki kożdy woli grila, bo i marasu na placu ni ma, a i powymyślać ś nim idzie. Przeca teraz ludzie z grila robiom wszysko: ryby, miynsa, banany, o inszych kombinacjach nie spomna.

Moj to też majowe, na kiere tyż przeca idzie sie przynś, a i cosik dlo duszy podziałomy. Do tych kierzi lubiom szport proponuja fusbal na trowie, abo koło, kiere bardzo dobrze nom zrobi na nogi i kondycha.

Tak se myśla, że nojważniejsze, żeby tyn czas przeszoł czynnie i zdrowo. Bo przeca w zdrowym ciele zdrowy duch. I tak czimać. Pyrsk!

Pszoć- kochać

Fusbal- piłka nożna

Koło- rower

Woszt- kiełbasamy zajynci.