Zgłoś komentarz do moderacji

Komyntarz Ślonzoka z Katowicki manifestacyje . "Musza Wom coś napisać. Dzisio juzaś bołech na manifestacji w Katowicach. Protestowali my przeciw metodom tyj dziczy, kiero dorwała sie do regiyrowanio w Polsce. Robiom z prawa haziel, ze praw i swobód obywatelskich gnojok, a z ludzi majom za ciymno i durno masa, kiero jest ślepo i gucho, jak moja starka, co ij boło 80. Wiycie, co mie nojbardzi ucieszyło? Pora rzeczy. Ale to, że w godzina po daniu signalu w internecie tela ludków tak łod razu przilezie, toch się niy spodziywoł. A ludzie byli roztomajte; boły dziołszki, te łod paryzolek, byli te, kiere som z KOD, te Nowoczesny, ze PO i sympatyki inkszych ugrupowań. Byli Hanysy, i Zagłymbioki ( Partycja, Danka- jo Wos widzioł :) ). Boły fany Polski, Śląska i Unii Europejskiyj. Nojważniyjsze, że my wszyscy byli razym, bo mieli my i momy tyn som cel! To poradzi pieronym fest zjednoczyć. Jak bydymy tak cuzamyn, to te pierońskie mamlasy łod kaczora mogom nom po puklu sjechać. Niy domy sie. Te co majom pora roków wiyncy - pamiyntajom, jak to w roku 80 jedność boła nojstraszniyjszom broniom dla tych, kiere sie niy zgodzali z władzom. Wczora i dzisio zaczyła sie zmiyniać Polska. I to tysz s kuli Wos. Bo wom sie chciało i chce wylyżć na dróga i pokozać co myślicie ło tym, co funduje nom ta pierońsko mało ynta. Muszymy sie czimać razym. Pyrsk! " I to sie chwoli !