Zgłoś komentarz do moderacji

Nastympno sprawa to je godka. My Hanysy godomy, nimce szprechajom, a gorole mówią. Ale nasza godka (gwara, czy jynzyk - jedyn pieron, jak se to kery nazwie) je bardzij polsko niż łobecny polski jynzyk "literacki". Yno u nas inaczyj sie godo "u" otwarte, a inaczyj "ó" zamkniynte. Koż powiedzieć komuś nasze "ó" (coś pomiyndzy "u" a "o"), to od razu poznosz czy je gorol czy Hanys, bo gorol tego za chiny niy powiy. A wy myślicie, że te "ó" zamkniynte to sie z dupy wziyno? W staropolszczyźnie tyż godali je inaczyj niż "u" otwarte. U nas je wodziónka, u nimców brołzupa, a u poloków zupa chlebowa. U nas idziesz nazot, gorole idą z powrotem, a nimce idom curuk. Gorole dźwiyże zamykają, my je zawiyromy, a nimce je szlisen. Od razu widać czy my godomy po słowiańsku, czy po germańsku. Zaroz mi powiycie, że nikeży jedzom tomaty, abo siedzom na zicu. To som germanizmy, naleciałości kere przykludzili sam nimce jak nom odebrali autonomia. Jo akurat ich starom się nie używać, tak jak nie chca używać angielskich naleciałości w obecnym slangu młodzieży. Jo mom swoja piykno ślonsko godka, kero w prawie kożdyj ślonskij wsi je inkszo i takij ucza mojego bajtla. Jak się bydzie chcioł nauczyć nimieckigo, to się nauczy, jak urośnie - jo nie umia. A polskigo "literackigo" go nauczom w szkole.