Czwartek, 22 sierpnia 2019

imieniny: Cezarego, Zygfryda, Marii

RSS

Dzwon Anabergu

21.06.2016 00:00 red

Felieton Remigiusza Rączki.

Roztomili Ludkowie, jest take miejsce na Ślońsku, wielko kympa, a na ni kościoł. Pod spodkiym pola z roztomańtymi obiylami, łąki pełne kwiycio i lasy pełne grzibow. To Anaberg, z kierego słychać mocne bici dzwona.

Nie wiym jak wy, ale jo dycki jak jada, kole Anabergu autobanom A4, to jakoś moc mi podpowiado pożykej jedna zdrowaśka i zarozki mi je w życiu lekszy.

Bo Anaberg to miejsce wyjątkowe. Już od wiekow średnich miejsce kultu, ale i roztomańtych cudow. Zresztom jakby mogło być inakszy, jak piecza nad tym miejscym mo starka od Pon Boczka- Anna.

Legendy godajom roztomańcie, że woły od księcia stanyły na Anabergu i nie chciały dali iść- to też postawioł tam kościoł. Inksze, że dycki nad Anabergiym widać było dziwne światło. Jedno je pewne- Anaberg to miejsce magiczne.

Tam nie jedyn już wyzdrowioł, inny sie nawrocioł, a jeszcze inkszy zmiynioł swoji życi.Ludzie godajom, że jak wylazujom z Anabergu po drodze krzyżowej, to tak choby mieli 10 kilo myni. I to je prowda. Je tam jakoś moc, a do tego to je nasz śloński Berg.

Berg z kierego dziynnie, rozbrzmiywo dzwon- Dzwon Anabergu.

Chcecie posłuchać jak bije, odwiydzcie Anaberg.


Anaberg – góra św. Anny

Berg – góra

Kympa – góra

Kwiyci – kwiaty

  • Numer: 25 (502)
  • Data wydania: 21.06.16
Czytaj e-gazetę